Autoritetet turke kanë njoftuar të martën se kanë pezulluar më shumë se 12 mijë policë, të cilët dyshohen për lidhje me klerikun mysliman Fetullah Gulen, i akuzuar për organizmin e grusht shtetit të dështuar në korrik.
Sipas selisë së policisë, nga 12,801 zyrtarë policor janë pezulluar nga detyra si pjesë e hetimit rreth përpjekjeve për grusht shtet, ku 2,523 prej tyre ishin shefa të policisë, shkruan AFP.
Në total, Turqia ka rreth 270.000 policë. Ata u pezulluan për lidhje të dyshuara me lëvizjen Gulen të cilën Turqia e fajëson për tentim të puçit, i cili u përpoq që të largojë presidentin Rexhep Taip Erdogan nga pushteti, transmeton KosovaPress.
Gulen, i cili jeton në Shtetet e Bashkuara që nga viti 1999, i ka mohuar me forcë akuzat e Ankarasë.
