Nga Afrim Krasniqi
Kemi Kushtetutë, kemi ligj, kemi detyrime ndërkombëtare e rreth 52 konventa të nënshkruara, kemi parlament dhe 140 deputetë, kemi qeveri dhe 20 ministra, kemi ministër mjedisi e turizmi, kemi edhe opozitë, kemi institucione vendore me bashki/qark/prefekture, kemi gjykate e prokurori, kemi avokat të popullit & shtetit, kemi njësi antikorrupsion, kemi agjenci turizmi, kemi agjenci për mbrojtjen e mjedisit, kemi 126 parti, kemi 7850 organizata te shoqërisë civile, kemi 84 mije zyrtare qe marrin rregullisht rrogën nga taksat tona….dhe përpara syve të të gjithëve, me heshtjen e te gjithëve rrezikojmë të humbim edhe një nga simbolet më të veçanta turistike te Shqipërisë, – Valbonën!
Ajo qe po ndodh ne Valbone është fytyra e vërtetë e “miracle of freedom” apo e “rilindjes”. Një krim turistik & mjedisor ku bashkohen qeveria e djeshme dhe e sotme, grupet e djeshme e te sotme klienteliste! Shteti i pafuqishëm? Jo. Sistemi korruptiv dhe interesat korruptive të atyre qe marrin vendime për ne dhe mbi ne pa dëgjuar zërin tone, kane marrë peng shtetin, shoqërinë, qytetarët dhe tani, edhe natyrën! Në Shtutgart, Gjermani, për një projekt dëmtues ndaj mjedisit miliona u ngritën në këmbë dhe qeveria e landit humbi pushtetin.
Po tek ne? Një shoqëri që hesht është e destinuar që dita-ditës të humbë gjithçka. A nuk u premtua Shqipëria e vlerave dhe sot kërcënohemi nga Shqipëria e plehrave? Sot e ka emrin Valbona, nesër e ka emrin Vjosa apo Kanionet e Osumit, pasnesër e ka Kalaja e Lezhës, me pas edhe amfiteatri i Durrësit apo Butrintit…ku interesat e betonit dhe fitimit po shuajnë gjithçka çfarë na lanë brezat e hershëm dhe na dhuroi Zoti!
