Policia ka goditur një rrjet të trafikimit të qenieve njerëzore me qëllim prostitucionin, duke vënë në pranga 5 persona, mes të cilëve dy vajza.
Operacioni i koduar “Rekrutimi” u finalizua në Pikën Kufitare të Morinit nga Seksioni i Trafiqeve në bashkëpunim me Forcat e Posaçme Operacionale në Drejtorinë Vendore të Policisë Tiranë.
Në pranga kanë përfunduar I. Qama, Ledian Gjoni, Ardit Shmilli, Zamir Hodo dhe A. Qama. Ata dyshohen për rekrutimin, shfytëzimin dhe trafikimin drejt Gjermanisë me qëllim prostitucionin të dy shtetaseve me iniciale M.Th. dhe A.P.
Policia e Tiranës përmes një njoftimi zyrtar thotë se e përfshirë me trafikimin e vajzave dyshohet të jetë dhe një shtetase rumune me inicialet P. C, e cila dyshohet se ishte personi pritës në Gjermani.
Në cilësinë e provës materiale policia sekuestroi zy karta identiteti Rumune të dyshuara të falsifikuara, 4 bileta avioni, 7 telefona, 1500 € si dhe një automjet taxi i cili bënte transportin.
