Arrestohet kapo i bandës që vidhte vilat në Itali, tmerri i italianëve 20 vjeçari shqiptar

Pas dy vitesh kërkimi, policia italiane ka arritur të vërë në pranga kapon e bandës së hajdutëve që ishte bërë tmerri i pronarëve të vilave në Umbria dhe Piemonte.
Mediat italiane raportojnë se në pranga është vënë 20¬vjeçari shqiptar Andrea Gjini, i kërkuar prej kohësh për vjedhje me armë dhe pengmarrje gjatë grabitjeve. Madje mbi të rëndon edhe dhunimi i një të moshuare, që për ta grabitur tre shqiptarët e lidhën këmbë e duar me nastro dhe e torturuan deri sa i tregoi ku e kishte kasafortën. Pas kësaj, grabitësit i morën edhe bizhutë dhe para të thata, kurse gruan e mbyllën në tualet. Policia njofton se shqiptari u arrestua në Gjermani dhe iu dorëzua autoriteteve italiane, të cilët e cuan drejt e në burg.