Kryeministri Edi Rama duke marrë shkas nga kërkesa për referendum që e Partisë Demokratike për importin e mbetjeve, përsëriti dhe njëherë se ligji i miratuar nga qeveria së fundmi ndryshon nga ligji që firmosi ish-qeveria “Berisha”.
“PD merr përsipër të zhvillojë referendumin për plehrat që e mbështetëm ne. Por ndërkohë ka një problem se ligji i ri nuk është ligji i Saliut. Këtu janë përfshirë të gjitha kërkesat plus dhe një masë tjetër që e kemi sjellë ne dhe në opozitë që të mbështesim atë ligj. Ju jeni plotësisht të justifikuar që nuk e bëni dallimin nga plehrat dhe mbetjet. Është organike nga ju që nuk e bëni këtë dallim por problemi është juaji dhe jo i joni. Por ligji i ri nuk lejon importimin e plehrave nga jashtë. E dyta e ndalon në mënyrë eksplicite djegien apo groposjen e mbetjeve të importuara.”, tha Rama.
Më tej Rama ka bërë edhe një deklaratë të habitshme. Sipas tij, mafia në Napoli është kundër riciklimit të mbetjeve.
“Në 2014, Shqipëria riciklonte pak më shumë se 1% të mbetjeve sot 17% të mbetjeve të veta. Shifër shumë e ulët, por Italia në vitin 2004 riciklonte 8% të mbetjeve. Por pse se Italia është vendi ku gjendje kupola e mafies së plehrave. Dhe riciklimi ka një armik të madh të betuar, mafien. Mafia është e vendosur të bëjë çmos që të mos lejojë riciklimin, arsyeja shumë e thjeshtë, mjafton të shohim pamjet e Napolit kur Napoli mbushet me thasë të zinj, është koha e firmosje së kontratave””, tha Rama.
