Prokuroria e Krimeve të rënda ka vijuar me hetimin ditën e sotme pas rastit të publikuar në media një natë më parë në emisionin investigativ “Stop”, ku një oficer gjyqësor ka marrë ryshfet 18 mijë euro për prokurorin e Tiranës.
Sot është sekuestruar dosja e 120 mije eurove në zyrën e prokurorit A. Braho, mëson “Panorama”.
Nga verifikimet rezulton se personi që ka dhënë paratë është shtetasi me iniciale A.M, person i përdorur në disa operacione policore me infiltrime dhe simulime aktesh korruptive. Paratë kanë qenë me fasheta të bankës çka dyshohet se janë tërhequr nga banka ditën e ngjarjes, shkruan “Panorama”.
Nga verifikimet e pamjeve të sekuestruara del se filmimi është bërë nga të paktën 5 kamera pasi ka plane nga 5 këndë të ndryshme por që vetëm dy janë publikuar.
