Familja e deputetit socialist, Armando Prenga ka humbur licencën e shfrytëzimit të Lagunës së Patokut.
Gjykata e Apelit Administrative ka lënë në fuqi sot vendimin e Shkallës së Parë.
Një vit më parë, më 5 shtator 2015, deputeti Armando Prenga u përfshi në një konflikt të armatosur pranë komisariatit të Policisë në Laç me përfaqësues të familjes Çali dhe shkak ishte shfrytëzimi i Lagunës.
Pas kësaj ngjarje, deputeti Prenga u shoqërua në polici, ndërsa Gjykata e Lartë e la atë në “arrest me burg”. Po kjo gjykatë ndryshoi masën e sigurisë ndaj Prengës më 20 shkurt 2016, duke e lënë atë në “arrest shtëpie”.
