Ish-kapiteni i kombëtares shqiptare, Lorik Cana ka reaguar ndaj zërave se në ndeshjen me Spanjën më 9 Tetor në “Loro Borici” do të zhvillohet ceremonia e lamtumirës së tij me Kombëtaren.
Në një postim në adresën e tij në “Facebook”, ikona e përfaqësueses kuqezi ka sqaruar të gjithë opinionin publik se një ceremoni e tillë është parashikuar gjatë gjashtëmujorit të parë të 2017-ës, por pa e përcaktuar së në cilën ndeshjen të Shqipërisë.
“Përshëndetje te gjithë miq, më kanë pyetur rreth ceremonisë e lamtumirës me kombëtaren dhe zërat qe po qarkullojnë për mbajtjen e saj me 9.10 në Shkodër!!!
Doja të ju informoj që nuk është e vërtet, dhe me shumë mundësi kjo ceremoni do të mbahet në 6 mujorin e parë të 2017 së.
Me respekt dhe dashuri Loriku.”
Aktualisht Cana është pa skuadër, pas ndërprerjes me konsensus të marrëdhënieve me Nantes, por nuk përjashtohet mundësia që në të ardhmen t’i rikthehet futbollit për një etapë të fundit të karrierës së tij.
