I shoqëruar nga truprojat e tij, Kryeprokurori Adriatik Llalla, është shfaqur në Korçë, për herë të parë në publik pas lajmit se ai dhe familja e tij ka marrë mesazhe të drejtpërdrejta kërcënues .
Pas një takimi me homologun maqedonas në prokurorinë e rrethit në Korçë, ai u pyet nga gazetarët për kërcënimet që e detyruan të largonte familjen nga Shqipëria, por kryeprokurori nuk pranoi të jepte asnjë koment, duke thënë: “Jam thjesht për një vizitë zyrtare në Korçë dhe nuk ndalem në gjëra të tilla”.
Pak ditë më parë, mediat zbuluan se kryeprokurori Llalla është detyruar të largojë fëmijët dhe bashkëshorten shtatzënë nga Shqipëria në një vend aleat, pasi dy muaj më parë në telefonin e tij kanë mbërritur telefonata dhe mesazhe kërcënuese anonime.
Kjo ngjarje që po hetohet nga Prokuroria e Krimeve të Rënda ka ndodhur në muajin qershor, dhe u be publike pak ditë më parë.
