Mesditën e sotme, Prokurori i Përgjithshëm ishte në Korçë, ku zhvilloi një takim me homologun e tij maqedonas.
Kryeprokurori shoqërohet në çdo moment nga truprojat e tij, pas kërcënimeve që ka marrë, për shkak të hetimit të dosjeje të fortë kriminale, shkruan “Balkanëeb”.
Mësohet se Llalla ka qenë i shoqëruar nga eskorta dhe truprojat e tij gjatë hyrjes dhe daljes nga Prokuroria e Korçës. Në përfundim të takimit me kryeprokurorin maqedonas, Llalla u pyet nga gazetarët për kërcënimet që e detyruan të largonte familjen nga Shqipëria, shkruan “Balkanëeb”, por kryeprokurori nuk pranoi të jepte asnjë koment, duke thënë: “Jam thjesht për një vizitë zyrtare në Korçë dhe nuk ndalem në gjëra të tilla”. Pak ditë më parë, mediat zbuluan se kryeprokurori i Republikës Adriatik Llalla është detyruar të largojë fëmijët dhe bashkëshorten shtatzënë nga Shqipëria në një vend aleat, pasi dy muaj më parë në telefonin e tij kanë mbërritur telefonata dhe mesazhe kërcënuese anonime.
