Kryeministri Rama mblodhi disa përfaqësues të industrisë së riciklimit për të bindur shqiptarët se vendimi i tij për të lejuar importin e plehrave është në të mirë të tyre.
Tre vite më parë, Edi Rama ndali importin e plehrave duke u bazuar në frikën se mafia gjen vende të varfra si Shqipëria, ku sistemi mbrojtës është i dobët dhe i kthen këto vende në depozita plehrash. Sot kryeministri flet ndryshe. Ai thotë se Shqipëria nuk ka asnjë rrezik nga mafia, sepse situate është ndryshe nga Napoli, ku mafia e plehrave ka kapur sistemin. Në takimin me pronarët e fabrikave të riciklimit, Edi Rama shpjegoi ndryshimin e Shqipërisë me Italinë e jugut.
“Ka një spekulim tjetër të madh: Shikoni Italinë e Jugut, Shikoni Napolin! Problemi themelor i Napolit është se strukturat e kontrollit të aktivitetit që bëhet me plehrat dhe që dihet botërish se kanë përzierje interesash mafioze, janë kundër industrisë së riciklimit. Armiku më i madh i riciklimit është mafia. Kjo dihet botërisht. Në Napoli ka qenë ë pamundur të vendosje diferencimi i m betjenve në burim. Sa herë janë tentuar të vendosen kazanët që ndanin mbetjet kërciste dinamiti. Për të mos e lejuar këtë gjë. Por pët ti mbledhur të gjitha me thaës plastikë dhe për t’i groposur. Dhe beteja në Napoli është beteja e atyre që duan të kenë monopolitn t’i groposin dhe të kenë monopolin e plehrave me shtetin” tha Rama.
