Sëmundja e mishrave të dhëmbëve mund të përparojë pa dhimbje duke prodhuar pak shenja të dukshme, madje edhe në fazat e vonshme të sëmundjes. Megjithëse simptomat e sëmundjes periodontale janë të buta, sëmundja nuk është fare pa shenja paralajmëruese. Disa simptoma mund të tregojnë për një formë të sëmundjes. Simptomat e sëmundjes së mishrave të dhëmbëve përfshijnë:
-Mishra të dhëmbëve që rrjedhin gjak gjatë larjes me furçë;
-Mishra të kuq, të ënjtur ose të butë;
-Erë e keqe e vazhdueshme e gojës ose shije e keqe në gojë;
-Mishra të dhëmbëve të ulura poshtë;
– Formimi i xhepave të thellë midis dhëmbëve dhe mishrave të dhëmbëve;
-Dhëmbë të lirshëm ose të lëvizshëm;
-Ndryshime në mënyrën se si dhëmbët përputhen gjatë kafshimit.
Edhe në qoftë se nuk vini re simptoma, ju mund të keni një farë shkalle të sëmundjes së mishrave të dhëmbëve. Tek disa njerëz, sëmundja e mishrave të dhëmbëve mund të prekë vetëm disa dhëmbë, siç janë dhëmbët brejtës. Vetëm një dentist ose peri-odontolog mund ta njohë dhe ta përcaktojë përparimin e sëmundjes.
Si trajtohet sëmundja e mishrave të dhëmbëve?
Qëllimi i trajtimit të sëmundjes së mishrave të dhëmbëve është të promovojë riatashimin e mishrave të shëndoshë me dhëmbët, të reduktojë ënjtjen, thellësinë e xhepave dhe rrezikun e infeksionit dhe të ndalojë përparimin e sëmundjes. Alternativat e trajtimit varen nga faza në të cilën është sëmundja, si mund të keni reaguar ndaj mjekimeve të mëparshme dhe shëndeti juaj në përgjithësi. Alternativat variojnë nga terapitë jo kirurgjik-ale që kontrollojnë rritjen bakteriale për të rigjeneruar indet mbështetës deri tek ndërhyrja kirurgjikale.
Si parandalohet sëmundja e mishrave të dhëmbëve?
Sëmundja e mishrave të dhëmbëve mund të kundërshtohet në pothuaj të gjithë rastet kur praktikohet kontrolli i duhur i pllakës mikrobiale. Kontrolli i duhur i pllakës mikrobiale konsiston në pastrimet profesionale të paktën dy herë në vit dhe pastrimi i përditshëm me furçë. Pastrimi me furçë eliminon pllakën mikrobiale nga sipërfaqet e dhëmbëve gjë që mund të arrihet; pastrimi me fije largon thërrmijat e ushqimit dhe pllakën midis dhëmbëve dhe nën linjën e mishrave. Shpëlarjet anti bakteriale të gojës mund të reduktojnë bakteret që shkaktojnë pllaka dhe sëmundje të mishrave.
Ndryshime të tjera të shëndetit dhe stilit të jetesës që reduktojnë rrezikun, ashpërsinë dhe shpejtësinë e sëmundjes së mishrave përfshijnë:
-Lini duhanin – Përdorimi i duhanit është një faktor i rëndësishëm i riskut për zhvillimin e periodontitit. Duhanpirësit janë shtatë herë më të ekspozuar ndaj sëmundjes së mishrave se sa jo duhanpirësit. Duhanpirja mund t’i pakësojë shanset e suksesit për disa mjekime.
-Reduktoni stresin – Stresi mund ta bëjë të vështirë për sistemin imun të trupit tuaj që të luftohet infeksioni.
-Mbani dietë të balancuar – Ushqimi i përshtatshëm e ndihmon sistemin tuaj imunitar që të luftojë infeksionin. Ngrënia e ushqimit me cilësi antioksiduese, që përmban vitaminë E (vajrat vegjetale, arra, perime të gjelbra me fletë) dhe vitaminë C (agrume, brokoli, patate) mund ta ndihmojnë trupin tuaj të riparojë indet e dëmtuara.
-Shmangni shtrëngimin dhe kërcëllitjen e dhëmbëve tuaj – Këto veprime ushtrojnë një forcë të tepërt mbi indet mbështetëse të dhëmbëve dhe mund të rritin shkallën e shkatërrimit të tyre.
Pavarësisht zbatimit të një higjiene të mirë të gojës dhe zgjedhjeve të shëndetshme të stilit të jetesës, ka njerëz të cilët janë gjenetikisht të prekshëm nga sëmundja e mishrave. Në këtë rast dentisti apo periodontologu juaj mund të rekomandojë kontrolle e pastrime më të shpeshta si edhe mjekime të tjera për ta menaxhuar më mirë sëmundjen.
A është sëmundja e mishrave e lidhur me probleme të tjera shëndetësore?
Studiuesit kanë zbuluar lidhjet e mundshme midis sëmundjes së mishrave dhe sëmundjeve të tjera serioze. Tek njerëzit me sistem të shëndoshë imunitar (IMUNITAR sistemi), bakteret në gojë, të cilat e gjejnë rrugën e tyre në rrjedhën e gjakut, janë zakonisht të padëmshme. Por në disa rrethana, këto mikro-organizma shoqërohen me probleme shëndetësore si kriza dhe sëmundje të zemrës. Diabet-i është jo vetëm një faktor risku për sëmundjen e mishrave të dhëmbëve, por sëmundja e mishrave mund ta keqësojë edhe më shumë diabetin.
