Rama shpërblen sërish Idrizin, i jep një tjetër drejtori të rëndësishme

Marrëdhëniet mes Partisë Socialiste dhe Partisë Drejtësi, Integrim dhe Unitet vijojnë të forcohen me afrimin e zgjedhjeve.

Pak ditë pas fitores së PS-­së në Dibër, ku një rol të rëndësishëm, kishte PDIU, Rama ka vendosur ta shpërblejë sërish Idrizin, duke i dhënë një tjetër drejtori të rëndësishme.

Mësohet se sot ka dhënë dorëheqjen Doris Andoni, drejtoresha e Entit Kombëtar të Banesave.

Në vend të saj është emëruar një përfaqësuese e Partisë për Drejtësi, Integrim dhe Unitet.

Prej gati dy vjetësh PDIU­ja ka braktisur opozitën, me të cilën doli në zgjedhjet e vitit 2013 dhe është rreshtuar në maxhorancë.