Mëngjesin e sotëm në aksin Tepelenë Gjirokastër një autobus i linjës Tiranë –Athinë është përmbysur duke patur brenda tij 41 pasagjerë.
Këta të fundit kanë qenë në gjumë në momentin që ndodhi aksidenti dhe kanë kuptuar çfarë ndodhi vetëm në momentin që konstatuan se autobusi u përmbys. Autobusi kthehej nga Athina për në Tiranë.
Ata, pa dashur të identifikohen me emra kanë treguar se ishin në gjumë dhe në momentin që autobusi është batuar dhe është përmbysur, ata janë tmerruar dhe kanë nisur të thyejnë xhamat për të dalë jashtë. Për fat, asnjë prej tyre nuk ndodhet në rrezik për jetën. Mjeku Roland Karalli, kirurgu i spitalit të Gjirokastrës, ka bërë me dije për “Neës24” se nga 31 personat e paraqitur, vetëm 15 janë shtruar në spital dhe ata janë jashtë rrezikut. Autobuzi që po kthehej nga Greqia me 41 pasagjerë është përmbysur në aksin Gjirokastër – Tepelenë dhe 31 persona janë lënduar. Shkak për aksidentin deri tani mendohet se shkak mendohet lagështia në rrugë.
