Nis kuvendi me “importin e plehrave”, Paloka kërkon të jetë present kryeministri

Pikë e parë e diskutimeve në nisjen e parlamentit të ditës së sotme është projektligji për “menaxhimin e integruar të mbetjeve”, thënë në gjuhën popullore, ligji i plehrave, që lejon importin e mbetjeve nga jashtë për qëllime djegieje.

Kreu i grupit parlamentar të Partisë Demokratike Edi Paloka në nisje të seancës kërkoi që diskutimet duhet të bëhen në prani të kryeministrit Edi Rama, për shkak të pyetjeve dhe debateve që mund të lindin mbi këtë draft të kundërshtuar nga shoqëria civile.

LEXO EDHE  Gjekmarkaj: 2 marsi është test për Metën, i duhet vënë një pritë puçit të shtetit

Kreu i Kuvendit Ilir Meta tha se në sallë janë ministra dhe deputetët nismëtarë të ndryshimeve që i janë bërë këtij projektligji të kundërshtuar edhe më parë nga shoqëria civile, kur PS-ja ishte në opozitë. Meta tha se nëse ka pyetje për qeverinë, përgjigjet mund t’i japin ministrat dhe nismëtarët,
“Nëse kryeministri do të marrë pjesë kjo është e drejta e tij se përcaktoj dot as unë as ti”, tha Meta duke ju drejtuar Palokës.

PËRGJIGJU

Please enter your comment!
Please enter your name here