Shtëpia e Bardhë ka akuzuar Rusinë për sulmin vdekjeprurës mbi karavanet që transportonin ndihma humanitare për popullin sirian.
Komentet e zëvendës këshilltarit për siguri kombëtare, Ben Rhodes të bëra më 20 shtator, ishin akuzat më të hapura që i ka bërë Uashingtoni Moskës për incidentin që ndodhi në Alepo.
Në sulmet më 19 shtator mbi karvanet me ndihma u vranë të paktën 20 civilë. Kjo gjë bëri që sekretari i përgjithshëm i OKB-së, Ban Ki-moon të suspendojë të gjithë konvojet me ndihma humanitare për në Siri.
“Mund të kenë qenë vetëm dy subjekte përgjegjëse ose regjimi sirian ose qeveria ruse”, ka thënë Rhodes.
“Në çdo rast, ne e mbajmë përgjegjës qeverinë e Rusisë për sulme ajrore në këtë zonë”, ka thënë ai.
Më herët, Moska ka hedhur poshtë akuzat se karvanet me ndihma janë sulmuar nga avionët rusë duke thënë se kamionët mund të jenë djegur, transmeton Rel.
Zyrtarë të inteligjencës amerikanë më herët janë cituar të kenë thënë se avionët ushtarakë rus Su-24, ishin duke fluturuar mbi karvanet në kohën e sulmit.
