Kryebashkiaku Erion Veliaj në kuadër të propagandës së tij ndërmori kohë më parë një fushatë për caktimin e një ditë çdo muaj për lëvizjen pa makina në qendër të Tiranës.
Por Veliaj edhe pse e shpalli me bujë këtë nismë, e la shumë shpejt në harresë. Ndërkohë që kryebashkiaku i Tiranës është nën akuzë nga qytetarët edhe për kaosin e trafikut që ka shkaktuar në Tiranë me punimet e sheshit “Skënderbej”.
Por këtë rast e ka shfrytëzuar ministri e Mjedisit Lefter Koka që ka shpallur në emër të ministrisë “Ditën pa makina”.
“I nderuar qytetar, 22 Shtatori – “Dita pa makina”. Bashkoju dhe ti nismes evropiane “Levizshmeri e zgjuar – Ekonomi e forte”! Lere makinen ne shtepi dhe perdor mjete alternative transporti! Mendo per mjedisin! Ju faleminderit, Ministria e Mjedisit”, thuhet në një mesazh shpërndarë për qytetarët nga ministria e Lefter Kokës.
