Policia e Krujës ka arrestuar mbrëmë tre persona për shkak se kanë goditur punonjësin e policisë. Ngjarja ka ndodhur në spitalin e Fushë Krujës kur Jak Jaku, Mhill Jaku dhe Albert Jaku kishin shkuar në gjendje të dehur për të marrë ndihmën e mjekëve.
Ata kanë ofenduar personelin e urgjencës, të cilët kanë lajmëruar policinë. “Në përpjekje për të qetësuar dhe sqaruar situatën, të arrestuarit, në bashkëpunim me njëri – tjetrin kanë kundërshtuar dhe goditur për shkak të detyrës punonjësit e Policisë të Rendit Publik.
Materialet i kaluan Prokurorisë së Rrethit Gjyqësorë Krujë për veprime të mëtejshme për veprën penale “Kundërshtimi i punonjësit të policisë së rendit publik” në bashkëpunim parashikuar në nenin 236/2, 25 të Kodit Penal”, thuhet në njoftimin e Policisë.
