Një sasi eksplozivi ka shpërthyer në automjetin e një 35-vjeçari në Krujë. Ngjarja ka ndodhur mëngjesin e sotëm në fshatin Nikël, ndërsa i plagosur ka mbetur shtetasi me iniciale G.B. nga Larushku.
Mësohet se automjetit tip “Touareg” me targa AA 020 BH, në pronësi të 35-vjeçarit i është vendosur një sasi e vogël lënde eksplozive në pjesën e përparme. Në momentin e shpërthimit mjeti ka qenë në lëvizje.
Drejtuesi i mjetit ka marrë dëmtime në këmbë dhe ndodhet nën kujdesin e mjekëve në Spitalin Ushtarak Tiranë jashtë rrezikut për jetën. 35-vjeçari sipas policisë është person me precedentë penalë të mëparshëm në fushën e veprave penale kundër personit dhe pronës.
Efektivat e Policisë ndodhen në vendngjarje dhe po punojnë për identifikimin e autorëve dhe zbardhjen e plotë të ngjarjes.
