Nga doktor Maksim Çela
Të nderuar kolegë (po i drejtohem asaj pjese të miqve në FB) që kanë lidhje me mjeksinë. Sot dëgjova çudinë e radhës ku Ministri Beqaj tregoi se vdekja tragjike në maternitetin Koço Gliozheni (e dy-fishtë) ka ndodhur për arsye të “hemoragjinë në shpretkë. Në fakt gjatë praktikës time si mjek këtë sindrom nuk e kam hasur dhe (duke qenë se kam qenë 5 ditë me pushime nga Bregu Jon dhe FB nuk e kam hapur fare) mendova të kontrolloj se çfarë ishte kjo nosologji e re dhe kontrollova tek Ëiki, Merk Dictionary dhe në asnjë vend nuk gjeta hemoragji nga shpretka. Kishte 11 lloj hemoragjishe që nuk është vendi ti përmend këtu sepse çdo njeri i kontrollon në ËEB, por në asnjë vend nuk pashë hemoragji nga shpretka.
Pra nuk e kuptoj ku e kanë psonisur “këtë diagnozë”. Sipas raportimeve të familjarëve, duke hequr pjesën subjektive (pritjes barelave etj) duket se ajo ka qenë një gjendje shoku hemoragjik ku hemoglobina po binte me shpejtësi, mendoj se është gabim të sorrollatet 5.5 orë në QSU, Senatorium. Mjekët që kanë pritur të sëmurën duhet të dinin se në tilla raste shoku ka një protokoll në botë qëquhet FAST (focused abdominal sonography technique) e cila për tre minuta të vë në dukje diagnozën e shokut hemoragjik e cila bëhet vetëm me një EKO të abdomenit.
Ky gabim ndodh sepse ata kanë mbaruar për OB dhe në kurrikulumin e tyre nuk e kanë bërë këtë lloj ekzaminimi, ata dinë të bëjnë vetëm eko të uterusit, vezoreve, barrës dhe tu kërkosh të shtynë sondën e ekos pak më lart nuk dinë ta bëjnë, duke harruar që organizmi funksionon si një i tërë. Mendoj se nga ky rast duhet të nxiren mësime që në kurrikulumin e mjekëve OB ,Urgjencës dhet futur me urgjence EKOGRAFIA E URGJENCES e cila sot në botë është degë më vete. Nuk dua të jem në rolin e Kasandrës por po nuk u morën masa edhe të karakterit organizativ veç atyre që përmenda më lart, tragjedi të tjera do të na presin me këtë sistem shëndetësor të dështuar dhe të pa aftë, për të mos thënë fjalë të tjera….
