Si pasojë e ndërprerjes së energjisë në dy stacione pompimi, disa zona në Tiranë do të ketë kufizime të pjesshme në furnizimin me ujë.
Në zonën e Unazës së Re, Yzberisht, Kodër Kamëz, Laknas dhe Bërxull, nuk do të ketë ujë deri në rregullimin e defektit në dy stacionet e pompimit në Bërxull dhe Laknas, të cilët aktualisht janë pa energji elektrike.
Duke njoftuar qytetarët të marrin masa, Drejtoria e Ujësjellës-Kanalizimeve në Tiranë sqaron se “Stafi i OSHEE-së dhe UKT-së po punojnë intensivisht për rikthimin në normalitet në një kohë sa më të shkurtër të situatës”.
Nuk është hera e parë që OSHEE lë pa ujë banorët e kryeqytetit. Nëse paguan 1 muaj me vonëse detyrimet e energjisë elektrike, OSHEE përdor pincat për të të prerë dritat. Po në raste të tilla çfarë duhet të bëjnë qytetarët të cilët nuk marrin shërbimin që paguajnë?
