Kreu i Departamentit të Arsimit në PD, Luçiano Boçi në një deklaratë për mediat u ka bërë thirrje të gjithë maturantëve që nuk kanë marrë atë që meritonin nga sistemi aktual i maturës shtetërore, se do t`i mbështesin ligjërisht ata.
Partia Demokratike njoftoi sot se ka nisur një aksion ligjor ku mirëpret dokumentacionet e maturantëve që kanë ankesa. Sipas Boçit, çdo maturant që nuk ka marrë atë që meriton nga skema e re e regjistrimit në universitete për këtë vit të paraqes dokumentacionin përkatës pranë Partisë Demokratike, ose në portalin që është hapur për maturantët “Padrejtësia ndaj maturantëve, trego rastin tënd”.
NJOFTIMI
Po ndjekim hap pas hapi zgjidhjen e padrejtësisë që i është bërë maturantëve. Në përgjigje të qindra denoncimeve pranë Partisë Demokratike dhe kërkesave konkrete të tyre dhe familjarëve, Partia Demokratike do të japë mbështetje të plotë juridike për çdo ankesë të depozituar. Cilido maturant, të cilit i nevojitet përkrahje ligjore për rastin e tij, do të gjejë pranë Partisë Demokratike ekspertët e duhur për dërgimin e çështjes në gjykatë. I bëjmë thirrje çdo maturanti që të paraqesë dokumentacionin përkatës pranë Partisë Demokratike, ose në portalin që është hapur për maturantët “Padrejtësia ndaj maturantëve, trego rastin tënd” Po kështu po shqyrtojmë dhe përgatisim edhe hapa të tjerë juridikë dhe kushtetues. Duke kuptuar kaosin dhe ankthin e kësaj situate, ju sigurojmë që vetëm përpjekja jonë e përbashkët, do të sjellë e vendosë drejtësi dhe meritokraci për maturantët. Ti sprapsim së bashku hajdutët e të ardhmes së rinisë.
