Lëvizja Socialiste për Integrim do të zhvillojë zgjedhje brenda partisë më 6 nëntor.
Në përfundim të mbledhjes së kryesisë së LSI -së, Sekretari i Përgjithshëm Luan Rama deklaroi se, do të ketë një garë mes Ilir Metës dhe Shezai Rrokajt.
“Këto zgjedhje do mbahen me pjesëmarrjen e të gjithë anëtarëve të LSI duke respektuar atë që është një vlerë e konsoliduar, respektimi i parimit një anëtar 1 vote. Deri më 30 shtator presim regjistrimin e kandidaturave”, tha Rama.
Në një prononcim për mediat, Rrokaj u shpreh se kandidon për kryetar të LSI¬së për ta bërë më të hapur. “Synoj që partia të zbutet nga militantizmi dhe të bëhet më qytetare. Të hapët ndaj shoqërisë dhe të rinjve, si dhe të dëgjojë zërin e intelektualëve. Tashmë baza shihet vetëm për periudhat zgjedhore, rëndom, por unë jam një model ndryshe. në kam drejtuar edhe në pozicione të tjera, edhe politike, edhe akademike. Besoj se një frymë e tillë vetëm mirë i bën LSI¬së”, u shpreh Rrokaj. LSI e themeluar në vitin 2004 si fraksion i Partisë Socialiste, ka pasur kryetar të saj në të gjithë ekzistencën Ilir Metën.
