Një pikë karburanti është grabitur nga dy persona të armatosur mesditën e sotme në aksin Aeroporti Rinas- Ura e Gjoles. Sipas policisë, autorët kanë qenë të maskuar me skafandër në kokë. Policia e Durrësit informon se karburantit i është marrë xhiroja ditore, rreth 300 mijë lekë.
Njoftimi i policisë
Në datë 16.09.2016, rreth orës 01:35, në aksin rrugor Aeroporti i Rinasit-Ura e Gjoles, 2 persona me skafanda nën kërcënimin e armëve i kanë marrë shitësit të një karburanti, shtetasit XH.Z. 47 vjeç, shumën e xhiros ditore, rreth 300 000 lekë.
Me të marrë njoftim menjëherë në vendin e ngjarjes shkuan efektivat e Policisë.
Gjatë kryerjes së kontrollit të zonës përreth, u gjet i djegur, rreth 300 m larg vendit të ngjarjes motori të cilin kishin përdorur autorët, i llojit 50 CC.
Policia po punon për identifikimin dhe kapjen e autorëve.
