Një 31-vjeçar është vrarë paraditen e sotme në Dukagjin. Ngjarja ka ndodhur në fshatin Gjurak, ku viktimë ka mbetur 31-vjeçari Gjok Arra.
Menjëherë për në vendngjarje janë nisur forcat policore të komisariatit Shkodër dhe të drejtorisë Shkodër si dhe dy grupe të FNSH Shkodër dhe grupi hetimor.
Dyshohet se autorët e kësaj ngjarje janë 2 vëllezërit shtetasit Luvigj Bludaj, 31 vjeç dhe shtetasi Çesk Bludaj, 37 vjeç banues të dy në fshatin Gjuraj.
Nga Shërbimet e Drejtorisë dhe Komisariatit Shkodër janë ngritur pikat e kontrollit në hyrje të zonës dhe janë në ndjekje të autorëve.
Në vendngjarje ndodhen shërbimet e policisë gjyqësore për kryerjen e veprimeve hetimore dhe zbardhjen e plotë të ngjarjes. Nga verifikimet paraprake dyshohet se ngjarja ka ndodhur për konflikt me bazë pronën. Njoftimi perfundimtar do të jepet pas verifikimeve dhe hetimeve me të detajuara të kësaj ngjarjeje”, thuhet në njoftimin e policisë Shkodër
