Policia e Tiranës ka identifikuar tre persona si autorë të dyshuar të dhunimit dhe kërcënimit të biznesmenit libanez, Faad Mitri, 4 ditë më parë në rrugën e Rinasit.
Tre personat janë nga Shijaku dhe bashkë me policinë e Durrësit, trupa policore nga Tirana janë përfshirë në një operacion për kapjen e tyre qe te shtunen. Tre të dyshuarit që janë shoqëruar në policinë e Tiranës janë Landi Muharremi, Skender Krahja dhe Arben Merkuri. Burime te pakonfirmuara thone se ata i perkasin grupit te personave te shoqeruar qe te shtunen.
Biznesmeni libanez Faad Mitri udhëtonte me një automjet “Mitsubishi” që drejtohej nga shoferi i tij, kur u përplasën nga një tjetër makinë “Volkswagen” brenda së cilës ndodheshin 4 persona.
Këta të fundit dhunuan me shkop bejsbolli sipërmarrësin dhe shoferin, e më pas u larguan në drejtim të paditur.
“Ik nga Shqipëria ose ndërprit punimet”, i kanë thënë autorët biznesmenit të huaj Faad Mitri. Ky i fundit po investon miliona euro për ndërtimin e një resorti turistik në Gjirin e Lalzit dhe pikërisht në këtë pistë kanë qenë edhe hetimet dhe dyshohet se ka ndodhur ngjarja.
