Gjatë debateve në mbledhjen e grupit parlamentar të Partisë Demokratike, Majlinda Bregu, ka akuzuar strukturat drejtuese të fushatës në Dibër se nuk e lejuan të bënte deklarata. Ndërkohë që ka vënë në dukje se PD nuk mund të presë shkelje syri nga LSI.
“Nuk mund të vendosësh aleanca pa u diskutuar. Nuk mund të presim të na shkelë syrin LSI, as të na bëjë fushata Kreshniku. Unë nuk do pres fundin për të folur. Do doja shumë ta kuptoje këtë. Po s’e kuptove nuk është problemi im.
Si ka mundësi që nuk shtuam asnjë votë. Dhe i mori të gjitha Rama. Si ka mundësi që gjithë ai përqendrim atje nuk shtoi një votë. Nuk bëhet dasma me krushq. Krushqit përcillen me gëzim. Do vazhdojmë të themi na vranë, na vodhën. Ky është fatalizëm. Dhe jo shprese. Në 2015-ën na shmangët nga fushata vendore. Kam shkuar vetë në Dibër dhe na hoqët nga lajmi. Si dikur Mehmet Shehun. Kjo parti fitoi në 2005-ën Kur vendosi të fitonte luftën me vetveten”, ka thënë Bregu.
Ndërsa Roland Keta ka kërkuar largimin e Enno Bozdos, pasi sipas tij, shefi i organizimit në PD është arrogant me strukturat.
