Në konferencën kundër ekstremizmit të dhunshëm të organizuar sot në Durrës, ambasadori i SHBA¬së ka nënvizuar se Shqipëria dhe Ballkani në tërësi ia kanë dalë duke bërë një punë shumë të mirë në luftën kundër terrorizmit.
“Për të parandaluar këtë Shqipëria ka akses në database e FBI¬së përmes një marrëveshjeje të nënshkruar gjatë vizitës së kryeministrit Rama në prill. Me këtë mjet policia kufitare shqiptare mund të hyjë në listën e mijëra terroristëve potencialë që është hartuar me dhjetra vende partnere”, tha Lu. Sipas tij, ISIS nuk është vetëm në Siri dhe Irak, nuk është vetëm një ushtri, është ideologji dhe për këtë arsye përbën tha Lu “një kërcënim serioz për Europën e më tej”. “Ne nuk e dimë në çfarë forme do të materializohen këto kërcënime, siç ndodhi këtë vit në Francë e Belgjikë e Gjermani. Por dimë një gjë: Ngado që këto kërcënime vijnë ne jemi besimplotë se nëse punojmë së bashku do jemi gati ti përballojmë”.
