Gjykata e Tiranës ka shtyrë për në datën 20 shtator, seanca gjyqësore në ngarkim të ish-deputetit Mark Frroku.
Seanca e zhvilluar sot u ndërpre sot pasi pati probleme me audion në Gjykatë.
Frroku mësohet të jetë shprehur gjatë seancës se nuk dëgjonte atë çka deklaronin dëshmitarët. “Nuk arrij të dëgjoj dëshmitarët”, mësohet të jetë shprehur ai.
Madje ish-deputeti ka përdorur edhe ironi duke thënë se: “Më hoqët nga kafazi më futët në akuarium”.
Sot do të dëshmonte në gjykatë dhe deputeti Tom Doshi, por nuk u paraqit se kishte çuar shkresë që ishte në komision parlamentar.
