Në një intervistë dhënë për Goal.com, trajneri i Manchester United, Jose Mourinho, ka treguar pse ekipet angleze nuk kanë sukses në Europë.
Sipas tij, Premier League ka treguar në shumë raste që konkurrenca e saj, brenda vetes, qëndron përpara Ligës së Kampionëve dhe kjo i penalizon ekipet angleze për të pasur sukses në Europë.
“Premier League krijon një situatë të vështirë për klubet e saj. Në këtë vend, konkurrenca e brendshme është gjithmonë përpara garave të tjera dhe klubet ta bëjnë të qartë këtë”, – tha portugezi.
Mourinho pohon se ngarkesa është e madhe, teksa ekipet angleze, që marrin pjesë në garat europiane, janë të detyruar të luajnë edhe të premteve, ndërkohë që kanë qenë në fushë të martën, të mërkurën, ose të enjten, për Kupat e Europës.
