Edhe maturantët ekselentë kanë pasur dyshime dhe pikëpyetjet e tyre për degët e fituara. Një studente nga Dibra e ka pyetur ministren e Arsimit Lindita Nikolla se çfarë do bëhet në fazën e dytë sepse ka fituar dy degë që nuk mendon se i meriton. “Endrra ime ishte mjekesia, ajo cfare kam fituar une jane dy dege qe i futa per te mbushur numrin, drejtesi dhe infermieri. Çfare duhet te bej une?”
“Ke ende mundësinë pas situatës në datën 20 për të avancuar në degët e tua, nëse maturantë të tjerë kanë një mesatare më të lartë se e jotja dhe universiteti s’ka më kuota, kjo është situatë që duhet marrë objektivisht. Nëse ulet viza mund të avancosh. Pra edhe pse keni fituar ende keni mundësi të garoni”, tha Nikolla.
“Pse ske shkuar ne mjekesi, sepse ka edhe me te mire se ty. Shqiperia per nje gol iku nga Evropiani, golaverazhi i ndeshkoi, te gjithe kur i kthehemi asaj historie themi sikur mos ta kishim ngrene ate gol, ai gol eshte si ajo presja juaj, na nxori nga Evropiani. Ta dine mire se te shkosh nje mjekesi duhet te jesh vertet….”, ishte pergjigja e Rames per vajzen nga Dibra.
Ndërsa një tjetër studente e ka pyetur si ka mundësi që miq të saj me mesatare të lartë nuk kanë fituar. Ja përgjigja që i jep Nikolla në videon më poshtë:
“Ja e morën vesh që ju jeni këtu dhe vijnë bërtasin dhe s’dinë për cfarë bërtasin, cfarë thonë, cfarë kërkojnë, në vend të studiojnë gjithë skemën, rrinë në rrugë dhe bërtasin. Por sikur të ishin vetëm këta do ta zgjidhnim por s’janë vetëm këta se jua corodisin mendjen të tjerët”. “Reformë e dështuar ministri e korruptuar”, ishin pankartat që të rinjtë mbanin në dorë. Ata kanë hedhur edhe domate dhe vezë në drejtim të kryeministrisë.
