Pasi presidenti Bujar Nishani ktheu pas ligjin për “kamerat e sigurisë” duke e cilësuar ligjin si antikushtetues, Partia Socialiste duhet të nisë edhe njëherë negociatat me aleatin e saj, LSI-në.
LSI-ja ka shprehur hapur se është kundër ligjit që detyron vendosjen e kamerave të sigurisë në godina publike dhe private
Për këtë arsye rrëzimi i dekretit dhe lënia ne fuqi e ligjit u shty për 6 muaj derisa PS dhe LSI të gjenin gjuhën e përbashkët.
Të mërkurën e kaluar për këtë çështje pati një takim kokë më kokë mes Ilir Metës dhe Saimir Tahiri, por pa rezultat.
Negociatat do të vijojnë të zhvillohen mes drejtuesve të Komisionit të Sigurisë Spartak Brahos dhe Piro Lutaj, ministrit të Brendshëm Tahiri, që është hartuesi i ligjit dhe kreut të grupit të LSI-së, Petrit Vasili.
Por LSI duket se është e vendosur të mos i hapë rrugë Partisë Socialistë në këtë çështje.
