Policia e Maqedonisë ka ekstraduar për në Shqipëri 48-vjeçarin Arben Mulla.
Ky shtetas ishte shpallur në kërkim nga ana e forcave blu, pasi më 25.04.2016, Gjykata e Sarandës e ka dënuar me 5 vjet burg, për veprën penale “mashtrimi”.
Shtetasi në fjalë, në shkurt të vitit 2015, ka mashtruar shtetasin Xh.D, banues në fshatin Berdenesh të Sarandës, duke i marrë 3 700 euro, me pretendimin se do t’ja regjistronte djalin në shkollë në Kanada.
Xh.D madje ka qëndruar 13 ditë në Romë të Italisë, duke u mbajtur te fjala e Mullës.
Ambasada e Kanadasë në Romë e ka njoftuar shtetasin Xh.D se ndodhet përpara një mashtrimi.
