Një britanik ka dashur ti bëjë një lojë gruas së tij, duke e nxjerrë në shitje. Anglezi Simon O’Kane postoi një foto të gruas së tij në eBay dhe arsyen pse kërkonte ta shiste.
“Shes një grua! Jo e re, e përdorur, por ka ende për të dhënë. Arsyeja e shitjes: kam mbaruar punë me të dhe mendoj se dikush tjetër atje jashtë e meriton më shumë se mua (Zot, të lutem, bëj që të jetë dikush)”, shkruante O’Kane.
Por edhe pse ai bëri thjesht shaka, ofertat ishin të shumta. Për dy ditë, çmimi i ofruar shkoi në 65 mijë paund.
Ndërsa një komentues tejet ironik i bëri një ofertë edhe më të çuditshme: “A e shkëmben me gruan time? Ndoshta mund të të jap edhe disa para”, shkruante ai.
Por si e mori shakanë bashkëshortja që ishte në “shitje”. “Doja ta vrisja kur pashë njoftimin. Kolegët qeshnin me të madhe. Më vinte inat se kishte përdorur edhe foto të keqe”, tha ajo për Daily Mail.
