“Dibranët me shitjen e votës treguan që preferojnë 50 euro sesa Rrugën e Arbrit”. Kështu shprehet Kreu i Departamentit të Mjedisit në Partinë Demokratike, Jamarbër Malltezi i cili ka reaguar në kohën që në Dibër vijonte procesi i numërimit dhe votat ishin në avantazh për kandidatin e PS-së.
Në një status në facebook, Malltezi thotë se Rruga e Arbrit nuk do ndërtohet as për 20 vjet pasi dibranëve nuk iu duhet as rruga dhe as dinjiteti, ndërsa nuk mundon as një ‘porosi’ për Edi Ramën dhe Sadri Abazin.
“Dibranët me shitjen e votës treguan që preferojnë 50 euro sesa Rrugën e Arbrit. 50 euro për 4 vjet përkthehet në 1 euro në muaj. Për 20 vitet e ardhshme nuk do ndërtohet rruga pasi siç duket nuk ju duhet as rruga e as dinjiteti. Vidh Edvin e vidh Sadri”, shkruan Malltezi në facebook.
