Nuk kanë fund idetë kreative të çifteve shqiptare kur bëhet fjalë për ditën e tyre të dasmës.
Mesa duket sëfundmi nuk preferohen më makinat e shtrenjta apo luksoze për të marrë nusen, por gjithçka tjetër e “pazakontë”, për ta bërë dasmën e tyre sa më të veçantë. Kështu ka ndodhur edhe me një tjetër çift, këtë herë nga një fshat i Korçës.
Kjo dëshmohet qartë përmes një videoje të ardhur në redaksinë e tvklan.al. Ndryshe nga “rivalët” e mëparshëm, dhëndri ka zgjedhur që nusen ta marrë me një trailer të verdhë, të stolisur me lule, shami e shirita dhe i ndjekur pas nga trailera të tjerë me ngjyrë të bardhë dhe të zbukuruar gjithashtu.
Një tjetër detaji që spikat është dhe targa e trailerit kryesor, ku ndodhen nusja dhe dhëndri, që mban mbishkrimin “Urime çiftit”.
