E pabesueshme dhe tej kufijve të normales. I tillë është rrëfimi i 12-vjeçares nga Fieri, e cila abuzohej seksualisht nga njerku i saj, me dijeninë e nënës. Për më tepër, vajza ka rrëfyer për ABC News se mamaja e saj ishte e pranishme gjatë akteve të përdhunimit.
E mitura E.Y ka thënë në prani të oficerëve të policisë gjyqësore dhe psikologut se disa herë abuzimi seksual ka ndodhur në sy të nënës. Nga ana e saj vetë 40-vjecarja ka pohuar se e ka parë Ilmiun të kryente marrëdhënie më të miturën.
Të dy bashkëjetuesit përveç kultivimit të kanabisit do të përballen me akuzën e abuzimit seksual me të mitur ndërsa provat janë të gjitha kundër tyre. Rrëfimi i 12-vjecares duket se erdhi në një moment kur ajo u shkëput disi nga ndikimi i të ëmës për shkak të një vdekjeje në fisin e kësaj të fundit.
Daja i vajzës ka treguar në polici se ai dhe familjarët e tjerë e kishin mohuar Selvien për shkak të stilit të saj të jetesës.
Kur ajo shkoi bashkë me vajzën në fshatin e lindjes, Aranitas, për vdekjen e vëllait të madh, vëllai tjetër e dëboi por i tha që mund të linte vajzën aty për disa ditë.
Ky ka qënë momenti kur e mitura mendohet të jetë ndjerë e sigurt për të rrëfyer tmerrin që përjetonte në shtëpinë e njerkut në fshatin Mbyet të fierit.
Të gjitha detajet duket se hedhin poshtë çdo aludim për një sajesë nga Selvia në bashkëpunim me vajzën për të hequr qafe Ilmiun pas debateve të ashpra që kishte çifti kohët e fundit.
Megjithatë hetuesit nuk përjashtojnë mundësinë qe persona të tjerë të kenë abuzuar me vajzën gjatë kohës që ato largoheshin nga banesa. Fakt i provuar shkencërisht nga ekspertiza mjeko-ligjore është se e mitura ishte e defloruar e vjetër.
Selvie Yzeiraj është divorcuar 6 vjet më parë nga bashkëshorti i saj në fshatin Varibop. Gjykata i ka dhënë kujdestarinë vajzës ndërsa fëmija tjetër i çiftit, djali, ka që qëndruar me të atin.
Ylmi Hoxha dhe Selvie Yzeiraj nga fshati Mbyet në fier u arrestuan një ditë më parë pas denoncimit të vajzës së Selvies se 52 vjecari abuzonte seksualisht me të prej 6 vjetësh.
