Zgjedhjet në Dibër po zhvillohen në një klimë të tensionuar. Pas akuzave të opozitës së mazhoranca po kërkon të blejë me para votat, ka ardhur kundërakuza e Partisë Socialiste.
Selia rozë ka akuzuar deputetin demokrat Flamur Noka se ka dhunuar qytetarët.
“Gjatë natës së kaluar, deputeti Flamur Noka, shoferi i tij dhe militant të tjerë të kësaj force politike kanë ngritur postoblloqe në zonën e Maqellarës duke kontrolluar automjetet dhe dhunuar qytetarët. Gjatë kësaj kohe ka kaluar në këtë zonë shtetasi Artan Isaku i cili ka rënë pre e kësaj dhune fizike të ushtruar nga deputeti Noka dhe personat që e shoqëronin. I bëjmë thirrje Partisë Demokratike që të heqë dorë nga skenari për të përbaltur dhe prishur procesin zgjedhor. Kërkojmë nga organet e drejtësisë që të hetojnë dhe vënë para përgjegjësisë ligjore çdo person që ushtron presion ndaj zgjedhësve dhe tenton të prishë procesin zgjedhor”, thuhet ne deklaratën e tyre për shtyp të Shtabit Elektoral të kandidatit të koalicionit “Aleanca për Shqipërinë Europiane”
