Deputeti socialist Erion Brace pothuajse gjatë gjithë kohës kur në foltore flisnin deputetë të tjerë, i ka shoqëruar duke folur nga vendi dhe replikuar pa lejen e drejtuesit të seancës.
E njëjta gjë ka ndodhur edhe kur deputetja socialiste Mimoza Hafizi ka marrë fjalën dhe ka kritikuar ashpër dështimin e sistemit të akreditimit të universiteteve. Nga vendi Brace ka debatuar Hafizin.
Duke përfituar nga prania e kryeministrit në sallë Hafizi ka shigjetuar së pari qeverinë për situatën dramatike të krijuar nga kultivimi i hashashit në vend ndërsa. “Në një vend si ky i yni ku hashashi ka kaluar çdo rekord. Përvoja tregon se kur hashashi hedh shtatin e njeriut, atëhere shtati i njeriut mpaket”, tha Hafizi.
Kolegë të Braces pohojnë se në ato momente në telefonin e Braces ka mbërritur një sms me shumë gjasa nga kryeministri Rama dhe ai menjëherë ka nisur të flasë. Por deputetja Hafizi ia ka prerë shkurt duke i thënë “Ji i vëmendshëm zotëri, dëgjo se ça po flas unë”.
E ndërkohë duke u ndalur tek rishikimi i projekt-buxhetit depuetja Hazizi u shpreh se modeli i financimit të universiteteve nuk është i drejtë.
“Mandati qeverisës po shkon drejt fundit dhe nuk është bërë ende akreditimi i universiteteve ndërsa ishte premtuar që ky proces do të përfundonte brenda vitit të parë të qeverisjes. Tani më thoni sot sesi do të shpërndahen paratë tek universitetet private apo shtetërore kur nuk është bërë procesi i akreditimit”,- deklaroi Hafizi.
