LSI del kundër Ministrisë së Arsimit lidhur duke i dhënë të drejtë maturantëve që po protestojnë prej dy ditësh.
Përmes një deklarate jashtë parlamentit, deputetja e LSI-së, Kejdi Mehmetaj, tha se reforma në arsim ka krijuar problematika lidhur me pranimet në universitet dhe se Ministria e Arsimit duhet të reflektojë.
Deputetja Mehmeti u shpreh ndër të tjera se LSI do të kërkojë ndryshimin e kritereve të pranimit të maturantëve në universitet.
“Arsimi i fëmijëve është prioritet i të gjitha familjeve shqiptare. Në këtë fazë që është procesi nuk duhet të flasim duke krijuar konfuzion, dhe as ta trajtojmë çështjen politikisht. Janë evidentuar disa problematika për të cilat ne do të kërkojmë reflektim nga Ministra e Arsimit. Do kërkohet ndryshmi i kritereve të pranimit. Këto kritere duhet të ishin njoftuar që në fillim të vitit të tyre të pare, dhe jo në vitin e fundit të shkollës së mesme. Një qëndrim tjetër i yni ka të bëjë me moskoridinimin me universitetet shqiptare. Ky proces ka krijuar këtë situata ku ndodhen sot maturantët. Do të kërkojmë përmirësim të sistemit”, u shpreh Mehmetaj.
Opozita ndërkohë nga ana tjetër ka kërkuar shkarkimin e ministres së Arsimit, Lindita Nikolla, si dhe i ka bërë thirrje KLSH-së të hetojë listat e pranimeve në universitet.
