Pak ditë pas dorëheqjes, Presidenti i Republikës Bujar Nishani ka dekretuar shkarkimin e ministrit të Transportit dhe Infrastrukturës, Edmond Haxhinasto dhe dekretimin e ministrit të ri Sokol Dervishaj.
Haxhinasto ka dhënë dorëheqjen disa ditë më parë, për arsye se do të angazhohet në Lëvizjen Socialiste për Integrim. Në krye të Ministrisë së Transporteve dhe Infrastrukturës vjen një tjetër figurë e LSI, njeri i afërt me kreun e Kuvendit, Sokol Dervishaj.
