Policia kufitare greke ka sekuestruar një gomone e cila ishte ngarkuar me rreth 1 ton drogë, e llojit marijuana.
Mediat greke thonë se origjina dhe nisja e gomones ishte nga Shqipëria. Ajo u ndalua në portin Missolonghi, në Greqinë Veriore. Mediat greke raportojnë se gomonia 10 metra e gjatë, e cila kishte një motor shumë të fuqishëm, mbante saktësisht 900 kg drogë, e llojit marijuanë. Nuk ka ende deklaratë zyrtare për origjinën e drogës, teksa nuk ka asnjë të arrestuar deri më tani sepse drejtuesi i gomones i ka shpëtuar policisë.
