Ministri në detyrë i Transporteve, Edmond Haxhinasto flet për herë të parë pas dorëheqjes nga posti që mbante në qeverinë “Rama”.
Në një prononcim për mediat, Haxhinasto, sikundër e kishte specifikuar edhe në dorëheqje ka theksuar se arsyeja e vetme e vendimit për të lënë postin e ministrit është angazhimi në parti. “Nuk ka asnjë arsye tjetër vec angazhimit tim në partinë Lëvizja Socialiste për Integrim”¬ ka thënë Haxhinasto. Haxhinasto dha dorëheqjen ditën e premte, me një kërkesë drejtuar kryeministrit Rama, e menjëherë pas kësaj, Rama, duke e pranuar kërkesën, çmoi punën e Haxhinastos në ekipin qeveritar. Fill pas lajmit, burime nga LSI konfirmuan se vendin e tij në kabinet do ta zërë Sokol Dervishaj, këshilltar i Metës në Kuvend.
Deklaratën Haxhinasto e ka dhënë pas takimit me Eurokomisioneren per Transportin V. Bulc dhe ministrin e Malit te Zi Brajovic, ku panë infrastrukturën në pikën kufitare të Hanit të Hotit.
Haxhinasto gjatë fjalës vlerësoi progresin që ka bërë vendi ynë në disa projkete të rëndësishme, ai ai i hekurudhës Tiranë¬Rinas¬ Durrës që ka marrë edhe mbështetje financiare nga BERZH. Sipas tij, qëllimi i këtyre projekteve është të forcohen ekonomitë mes vedneve të rajonit dhe me pas në BE. Bluc theksoi se mesazhi i BE është i qartë. “Ne duam te japim mbeshtetjen tone per nje integrim, jo vetem politik, por infrastrukturor te Ballkanit. Synojme integrimin ne nje rrjet infrastrukruror Europian per nje treg të perbashket Europian” -tha ajo.
