Protestuesit franceze po mbajnë të bllokuar me kamion rrugët rreth Calais në Francë, kjo si pjesë e një demonstrate për mbylljen e kampit të refugjatëve në këtë qytet.
Demonstruesit kanë bllokuar rrugën kryesore për transportin e mallrave dhe udhëtarëve që shkojnë për në Britani.
Ata kanë qenë të shoqëruar nga rreth 200 fermerë të zemëruar nga veprimet e emigrantëve të cilët me sa duket i kanë shkatërruar të mbjellat dhe kanë shkaktuar dëme të shumta në fermat e zonës.
Pronarët e bizneseve dhe banorët e Calais janë gjithashtu duke marshuar në shenjë proteste.
Duke folur për Sky News, organizatorja Antoine Ravisse tha: “Ne jemi këtu sot për shkak të mungesës së veprimit nga Francois Hollande dhe qeverisë franceze”.
“Çdo ditë emigrantët sulmojnë kamionët dhe makinat e familjet, njerëzit janë të frikësuar. Kjo është absolutisht e papranueshme.”
