Një fundjavë për të harruar ka qenë ajo e Daniele De Rossi. Pas dëmtimit në kombëtare, mesfushori i Romës është goditur edhe nga skualifikimi 3 javor i ardhur nga UEFA, që duhen shlyer në Europa League. Kjo ka qenë masa e marrë për faullin e shkaktuar ndaj Maxi Pereira në turneun paraeliminator të Champions League.
Për Emerson, edhe ai i ndëshkuar me karton të kuq ndaj Portos, u skualifikua për dy javë. Drejtuesit e Romës, po studiojnë hipotezën e apelimit, por mësohet se nuk do ta bëjnë këtë veprim dhe futbollistët do të shlyejnë skualifikimin në grupet e Euopa League.
UEFA vendosi të ndëshkojë De Rossi për ndërhyrjen ndaj Pereira dhe do të mungojë në tre ndeshjet e para të Romës në Europa League kundër Viktoria Plzen, Astra Gurgiu dhe Austria Vjenë. Ndërkohë, vazhdon beteja e organit drejtues të futbollit botëror kundër racizmit. Viktoria Plzen është ndëshkuar për sjelljen e tifozëve në ndeshjen e “play off” të Champions League kundër Ludogorets. Ndeshja e ardhshme më 15 shkurt kundër Romës do të jetë e mbyllur për tifozët çek.
