Kuvendi i Shqipërisë çel sesionin e ri të punimeve në fillim të kësaj jave. Pasditen e së hënës deputetët do të mblidhen në seancën plenare që çel sesionin e ri.
Në rend dite në seancën e orës 17:00, është çelja e sesionit të ri të punimeve, njoftimi i projektligjeve e nismave të depozituara në Kuvend dhe miratimi i kalendarit trejavor të punimeve.
Këtë vit nisja e këtij sesioni vjen më herët se vitet e mëparshme, kjo edhe për vetë faktin se nga sesioni i mëparshëm janë trashëguar një serë nismash të rëndësishme që bëjnë të zbatueshme Reformën në Drejtësi.
Reforma në Drejtësia ka qenë kryefjala e diskutimeve në sesionin e kaluar të kuvendit. Miratimi i reformës u bë më 22 korrik 2016 në unanimitet të plotë, pas një ditë të gjatë negociatash dhe diskutimesh më 21 korrik, ku vetëm në orën 23:00 u bë e mundur arritja e konsensusit.
