Drejtori i Policisë së Lezhës është pezulluar nga detyra pak orë para se të ndodhte vrasja e efektivit te Forcave Speciale në fshatin Torovicë.
Paraditen e së shtunës, burime zyrtare nga Policia e Shtetit thanë për median se Dritan Lena është pezulluar nga detyra e kryepolicit te Lezhës, pasi nuk memaxhoi si duhet konfliktin me armë që ndodhi në mesditë në Torovicë. Efektivi i FNSH, Ardian Kodra u qëllua për vdekje nga David Qosja, gjatë një operacioni për arrestimin e tij.
Në orët e pasdites së të premtes, u arrit prangosja e autorit të vrasjes, i cili tashmë do te përballet me akuzën e vrasjes së punonjësit te policisë. Por, ndërkohë që operacioni përfundoi, në media u përhap lajmi se drejtori i Policisë së Lezhës është pezulluar nga detyra për shkak të keqmenaxhimit të këtij rasti. Por, burime të “Boldneës.al” nga Policia e Lezhës bëjnë të ditur se urdhëri për pezullimin e Lenës ka mbërritur paraditen e së premtes në zyrën e këtij të fundit, pak orë para se David Qosja të konfliktohej me armë me policinë.
Pra, duket se pezullimi i Lenës, i cili kishte vetëm dy muaj në atë pozicion, duhet të ketë arsye te tjera. Dritan Lena nuk ka qenë as në vendngjarje dje, në Torovicë, ku duhet të menaxhonte situatën gjatë dhe pas operacionit për arrestimin e vrasësit të efektivit të forcave speciale. Mungesa e tij në veprimet në terren, është fakt që konfirmon se Lena nuk ishte më në detyrën e kryepolicit të Lezhës. Ajo që mbetet enigmë për momentin është jo vetem arsyet e pezullimit të tij, por edhe se përse, Policia e Shtetit jep zyrtarisht një version të pavërtetë për pezullimin nga detyra të Lenës. Boldnews.al
