Shumica e britanikëve mbrojnë idenë e ndalimit të burkas dhe thuajse gjysma shprehen pro ndalimit të veshjes së burkinit, sipas një sondazhi të publikuar sot.
Rreth 57 për qind e 1, 668 e personave të intervistuar nga YouGov shprehen pro ndalimit të burkas, ndërsa 25 për qind shprehen kundër një mase të tillë.
Tendenca është më pak e theksuar për burkinin, ku 46 për qind e britanikëve dëshirojnë që kjo e fundit të jetë e ndaluar në Britaninë e Madhe, ndërsa 30 për qind shprehen kundër një ndalimi të tillë.
Qëndrimet ndryshojnë dukshëm sipas grupmoshave.
Kështu 78 për qind e 65 vjeçarëve janë më tepër në favor të qëndrimit për ndalimin e burkas, kundrejt vetëm 34 për qind e 18-24 vjeçarëve.
Në mënyrë të ngjashme për burkinin, 63 për qind e 65 vjeçarëve janë kryesisht mbështetës të ndalimit të kësaj veshjeje, kundrejt 26 për qind të 18-24 vjeçarëve.
