Të dielën Papa Françesku do të shenjtërojë Nënë Terezën, murgeshën nobeliste e cila gëzon admirimin e gjithë botës për përkushtimin e saj të madh ndaj të varfërve.
Me 4 shtator gjithashtu do të njihet shenjtëria e një gruaje e cila u ndje e braktisur nga Perëndia pasi e kishte të pamundur të lutej dhe pavarësisht buzëqeshjes që e shoqëronte gjithmonë, në vetvete përjetonte torturat e ferrit.
Për 50 vite Nënë Terza ka përjetuar atë që kisha e quan “Nata e errët e shpirtit”, një periudhë e dyshimit shpirtëror, e dëshpërimit dhe vetmisë që ka përfshirë mistikë të shumtë. Në rastin e humanes shqiptare nata e errët ka zgjatur në pjesën më të madhe të jetës së saj.
Drejtuesit shpirtëror të Nënë Terezës ishin dijeni të agonisë së saj shpirtërore derisa letrat janë bërë publike edhe për publikun e gjerë në vitin 20177 nëpërmjet librit “Eja bëhu drita ime”.
Prifti kanadez Brian Kolodiejchuk ka botuar letrat në kuadër të fushatës që do të konfirmonte heroizmin e Nënë Terezës.
Prifti kanadez është shprehur: “Nënë Tereza nuk ka ndarë vetëm varfërinë materiale me popullin, por edhe atë shpirtërore.
Kjo ishte eksperienca në marrëdhëniet e saj me Jezusin. Ajo i kuptonte shumë mirë historitë e vuajtjes sepse njëkohësisht me ta kishte të njëjtën gjendje”. 
