Kryeministri Rama po i përgjigjet sot pyetjeve të qytetarëve që i janë drejtuar në Facebook.
Pensionet dhe rrogat ishin një ndër temat që ai foli dhe që mesazhet ishin të shumta nga qytetarët. Rama tha se rrogat dhe pensionet do rriten por jo në këtë kohë pasi e ka të vështirë. Por u premtoi qytetarëve që nuk do të jetë e largët dita.
“Ka një shqetësim që është shqetësimi im i parë dhe i gjithëhershëm në cdo ditë të punës sime, yni i përbashkët për të shkuar drejt kushteve për rritje të rrogave dhe pensione, por mos harroni nga e nisëm se administrojmë një shtëpi të përbashkët.
Një gjë mos harrojmë që me heqjen e taskës së sheshtë dhe vendosjen e taksimit të ndershëm kemi rritur vlerën reale të rrogave, pra kemi shtuar paratë e marra nga rroga në xhepin e qytetarëve që punojë në sektorin publik me 7%.
Cdo kategori të bëjë llogarinë sa i linte shtetit me taksën e sheshtë dhe sa con sot në shtëpi. Është fakt se njerëzit që në shumicë dërrmuese e kanë mbështetur procesin e reformave. Po mendojmë që koha e rritjes e rrogave dhe pensione të jetë jo e largët. E nisëm me ekonomi që rritej me 1% dhe sot kemi ekonomi që këtë vit rritet me 3%. Jemi të vetëdijshëm që nuk ka mrekullira sa hap e mbyl sytë, krijon precedentin për ta bërë dhimbjen e pafundme”, tha Rama.
Punësimi
“Është me rëndësi që të fokusohemi për të rritur kualifikimin e krahut të punës, është fakt që në sektorin privat ka oferta për punë, jo vetem për rrogat e ulëta, por të të gjitha niveleve. Nuk është shteti përgjigja për këdo që kërkon punë, por sektori privat”, tha Rama.
